Пекарите не печат лажни колачиња

Доверба. Тоа е основата на сите процеси, но се чини дека ја има се помалку и помалку. Соседите, потенцијалните познаници, наставниците и сограѓаните се оддалечија од нас. Не сме сигурни што се случува во светот околу нас, но сигурно не може да биде единствено тоа што ни го кажуваат на вестите. Ние сме критички умови. Ние се сомневаме во вашите намери. Има само една работа на која сè уште веруваме слепо: нашиот суд.

bernard-hermant-qTpc0Vj4YoE-unsplash

Сепак, со вреднување на оваа релативност и преку лично искуство над негацијата со факти и генералниот консензус, создадовме повеќе сиви области отколку монохроматски јаснотиии. Недовербата и дезинформациите се шетаат слободно на дното на празнината. Но, кога ќе го изгубиме чувството за верување, барем треба да внимаваме на кого ќе избереме да не му веруваме.

Како личност која презема стабилни чекори во областа на новинарството, но сепак е премногу нова за да биде расипана, би сакала да направам еден осврт базиран на новинарскиот интегритет. Без разлика дали е тешко да се верува или не, многу професионални новинари се, исто така луѓе. Како и во повеќето други професии, тие се обидуваат да го работат најдобро што знаат тоа што го работат. Сега, да ги направиме работите попријатни и помалку академски – затоа што и нашата генерација не го сака тоа? – ќе работиме со многу вкусна метафора: моите омилени колачиња. Вафли од сируп.

cookies

Вафлите од сируп (stroopwafels) се традиционални холандски колачиња и тие се апсолутно вкусни. Ги видов како се продаваат во продавници во Бугарија и во Мајами, што ме тера да верувам дека се силен (и подобар) конкурент за пивото Хајнекен. Како и многу производи, вафлите од сируп имаат глобална публика. Не е дека тие се подобри од другите колачиња – има многу елегантни колачи, како и ужасни како што се кафените од кокос (уф, колку ги мразам). Факт е, секој има свои омилени колачиња и омилен бренд кому му верува. Истото важи и за вашиот омилен весник.

Повеќето пекари се исклучително задоволни од нашиот интерес за нивните производи. Особено поетаблираните и поискусните пекари ќе одат многу далеку за да ја задржат својата репутација да испорачуваат вкусен производ. Се разбира, има некои пекари што можат да прават компромис за основните состојки со цел да да добијат колку што може повеќе. Овие пекари немаат многу да изгубат. Сè за што се грижат е да ве привлечат, малку пред да ги снема. Некои од овие лоши пекари може да ве натераат да изгубите надеж за повторно пронаоѓање на добри, доверливи колачиња – но без грижа, тие се мало и расипано малцинство. Повеќето пекари (и новинари) се многу посветени: затоа тие се будат рано, работат чесно и напорно со цел да ви го испорачаат најдобриот продукт. Секој ден.

artem-maltsev-MX1y4aZf6TM-unsplash

Покрај тој внатрешен нагон за совршенство, секој пекар знае дека тие зависат од вашата деловна активност за да останат на пазарот. Тие се потпираат на вашата доверба. Очекувате секоја вафла од сируп да биде вкусна како и претходната, а не да ве убие. Нема причина пекарот да направи компромис во врска со квалитетот и доверливоста или да се обиде да изманипулира со вас доколку сака да ја задржи својата продавница. Другите пекари веројатно ќе бидат доволно брзи за да ги грабнат незадоволните клиенти. Освен тоа, дури и доколку некои клиенти останат – еднаш откако шефот на кујната ќе го изгуби интегритетот, колачињата ќе останат во паметење по лошиот вкус.

Јас разбирам дека читањето вести и јадењето вафла од сируп, иако е златна комбинација, во основа се различни активности. Сепак, чувствувам дека двете работи се комерцијални артикли што секојдневно ги трошиме врз основа на доверба. Оваа доверба може да биде повеќе потсвесна за едните од другите, но основата е иста. За секоја од нив, постои таму во позадината некој што внимателно го изработил производот за кој мислел дека ќе го цениме. Во секој случај, егзистенцијата на овие мистифицирачки пекари и новинари во многу зависи од тоа колку нè задоволува нивниот исход и дали нашата доверба во нив не е потрошена. Тие навистина немаат интерес да прават збрка со нашето време. Особено затоа што е потребно само едно лажно колаче или непроверена статија за да уништи компанија и да избрка клиенти. И, кога станува збор за вас, ценет клиенту: секогаш бидете критички настроени кон содржината, поддржувајте го тоа што ви се допаѓа, а најмногу – не заборавајте да го цените нивниот производител. Тие дефинитивно ве ценат.

Ами Зутберг

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: