Дали некогаш сте се запрашале што значи да студирате во странство? Какво е чувството да се биде сам во друга држава? Како можете сето тоа да го овозможите? Дали сте подготвени да го направите тоа? Ако барем на едно од прашањава одговоривте да, мислам дека оваа статија може навистина да ве заинтересира.

Студирањето во странство стана сè повеќе попопуларна опција за студентите во последниве години, бидејќи нуди единствена можност да стекнете светска перспектива, да се нурнете во нова култура и да развиете вредни вештини кои можат да се применат во личниот и професионалниот живот. Учење нов јазик, подобро запознавање на некои култури, многу патување и усовршување како личност се само неколку од предностите на студирањето во странство.

Животот во странска земја ви овозможува да научите за различни обичаи, традиции и начини на живот и да стекнете подлабоко ценење за различноста и културните разлики. Тоа може да биде и одлична можност за подобрување на јазичните вештини, бидејќи многу универзитети нудат јазични курсеви како дел од нивните програми за студирање во странство. Исто така, шанса да запознаете прекрасни луѓе од целиот свет.

Сепак, студирањето во странство не е без свои предизвици. Прилагодувањето на нова култура и средина може да биде тешко, а носталгијата и културниот шок се вообичаени искуства. Важно е студентите да бидат подготвени за сите различни видови предизвици. Зборувајќи од моето искуство, има многу неочекувани прашања кои можат да се појават на патот.

Еден од најголемите предизвици за студирање во странство може да биде финансискиот дел и носталгијата. За среќа, Еразмус+ прави овие прашања да исчезнуваат во денешно време се повеќе и повеќе. Самата програма содржи многу добри можности за секој студент кој е запишан на универзитет низ Европа. Тоа значи дека секој студент во Европа има право да замине во странство на минимум еден семестар, да се запише во друга институција, да ги студира истите предмети и да помине неколку месеци во странство.

Зборувајќи за финансиските прашања, програмата ги покрива речиси сите трошоци за студентите за семестарот што ќе го следат во странство. Тоа значи дека програмата нуди одредена стипендија за сите студенти кои ќе аплицираат за програмата за размена, која ќе биде прифатена од нивната институција која испраќа. Со оваа помош на Еразмус+, речиси секој може да учествува во овој вид на универзитетска размена и да искуси поинаков живот.

Зборувајќи за прашањата со кои може да се соочат студентите за време на нивниот престој во странство, не е само финансискиот дел. Носталгичноста по дома и осаменоста може да предизвикаат и некои проблеми. Тоа значи дека на самиот почеток може да се чувствувате осамено и тажно бидејќи ќе бидете далеку од вашите пријатели и семејството. Но, не грижете се, тоа е само почеток и ќе дојдат подобри моменти. Еразмус студентска мрежа (ESN) е нешто создадено за да помогне со овој вид на прашања со кои некои студенти би можеле да се соочат. Постојат ESN здруженија низ цела Европа кои се окупирани со активности и настани за сите меѓународни (Еразмус) студенти во градот, што всушност може да биде совршен начин за стекнување нови пријателства.

Како заклучок, целата програма може да биде искуство што ќе ви го промени животот, која нуди многу придобивки. Сепак, важно е да пристапите со отворен ум и да бидете подготвени за предизвиците и прилагодувањата кои доаѓаат со живеењето во нова култура и средина. За сите што ја читаат оваа статија, а кои сè уште се во процес на учење или сеуште не започнале, соберете храброст и дајте си шанса за најдобра промена во вашиот живот.

На крајот, сакам да ми одговорите на четвртото прашање на почетокот. Дали ве убедив веќе?

Давид Стоилковски