Roli i faljes është nënvlerësuar. Është një nga aftësitë humanizuese e aftë për të sjellë pak rehati dhe për të hequr qafe barrën që do të ishte në gjendje të na mbajë për vite me rradhë. Mund të thuash se në fakt është shërues. Pranoni gjendjen e punëve dhe thjesht ecni përpara, me kokën lart dhe ndërgjegjen tuaj të pastër.

Ne jetojmë në një botë të papërsosur ku çdo gjë ka të metat e veta. Mendësia që lejon faljen na ndihmon të pranojmë se ndonjëherë duhet të kalojmë një moment më pak se ideal në jetën tonë. Qoftë nëse ka të bëjë me një person apo situatë të pakëndshme, pa ndjerë zhgënjim të tepruar. Shumica besojnë se falja është thjesht një shembull i mirësisë. Megjithatë, ajo përmban më shumë se kaq. Është gjithashtu shërimi i plagëve, mirëkuptimi, qëndrimi dhe sjellja e duhur. Rivendosja e respektit për veten dhe korrigjimi i asaj që është e gabuar.

Njerëzit shpesh përballen me një sfidë të përbashkët – shumë të përqendruar në pakënaqësi, faj dhe keqardhje për veten. Kjo mund të çojë në emocione negative si stresi, ankthi ose depresioni. Marrëdhëniet tona me njerëzit gjithashtu do të përkeqësohen dhe ne nuk do të jemi në gjendje të rindërtojmë besimin tonë. Të mbërthyer me modelin e vetëm në kokë, duke bllokuar rritjen tonë personale. Qëndrimi në konflikt të vazhdueshëm nuk ka rezultate pozitive, ndaj ia vlen të përpiqeni ta shikoni me mendje të hapur.Kur bëhet fjalë për lëndime të rënda që na duken të pafalshme, është e nevojshme t’i trajtojmë me kujdes. Në vend të faljes totale, ne mund të përpiqemi të lehtësojmë simptomat e zemërimit dhe të zvogëlojmë barrën që zemërimi i ngarkon disponimit dhe mënyrës sonë të të menduarit. Të perpiqemi për të krijuar hapësira  ​​që marrëdhëniet dhe aktivitetet normale të vazhdojnë. Falja totale në këtë situatë është një synim më i largët, por jo i pamundur. Na duhet vetëm kohë që zemërimi të reduktohet në nivelin e sensit të shëndoshë. Falja është një veprim që mund të përdoret për të zgjidhur një sërë problemesh. Ne mund të falim njerëz, situata dhe ngjarje që na kanë shkaktuar acarim dhe ankth. Në këtë mënyrë, ne pranojmë të metat e kulturës dhe shoqërisë sonë që ekzistojnë për të gjithë. Ky është realiteti, pavarësisht se ne po përpiqemi të përmirësohemi. Pse të mos krijoni një atmosferë shëruese që do të na ndihmojë të shërojmë plagët tona emocionale dhe të ndërtojmë mendje, trupa dhe marrëdhënie të shëndetshme? Kjo nuk do të thotë se ne e pranojmë plotësisht sjelljen e dëmshme dhe nuk do ta refuzojmë atë. Ka të bëjë me fuqizimin e vetvetes që pengesat e vjetra të mos na pengojnë në të tashmen apo në rritjen tonë.Nëse vazhdojmë të qëndrojmë pas këtyre plagëve, ndjenjat negative do të ndikojnë në cilësinë e jetës sonë.

Falja e vërtetë ka fuqinë për të lehtësuar dhimbjen tonë dhe për të rritur kapacitetin për pranim, besim dhe paqe në jetë. Është një këndvështrim pozitiv që mund t’ju ndihmojë të përballeni me sfidat në mënyrë më efektive, pa u zhytur kot në fund. Ajo na ndikon thellë dhe na lejon të çlirojmë një vetvete më të mirë tek ne, duke hequr pengesat që janë të pafavorshme për rritjen tonë. Mos prisni që falja të fillojë procesin e shërimit. Askush nuk ka aq shumë për të fituar nga aktivitetet e vetë-ndihmës sa ne.

Aleksandra Szumielewicz

Përktheu: Diola Sokoli

Burimet:

Insighttimer.com – Zotërimi i Artit të Faljes