A mund ta nuhasësh dimrin?

Sepse unë mundem

Në të njëjtën mënyrë

Siç ndjej zemrën tënde

Ditë pas dite

Dalëngadalë… vajtueshëm

T’më fanepset

Ndërsa moti ftohet

Dhe dielli thotë paçim, paçim

Shpirti im sëmbon

Sëmbon duke t’menduar

…TY

nga mungesa jote

nga fakti

Se nxitimthi

Do t’më fshihesh

Si gjethet

Nën dëborën e acartë dimrake

Dhe unë nuk do t’arrij në kohë

Për tët’ nxjerrë nga gjithë kjo

Shtresë e rrëmujshme, e rëndë, bardhake, jorganore…

Dhimbjeje, vetmie, çmendurie, urrejtjeje, trishtimi, zhgënjimi e plot të tjerave

*

Por e di çfarë

Një ditë

I gjithë ky akull do të shkrij

Bashkë me mëritë tona

Dhe së fundmi…

Pranvera do të vijë sërisht

Për t’i vënë kazmën ajsbergëve

Të hatërmbetjeve, hidhërimeve dhe pakënaqësive midis nesh

Por… kam frikë

Sepse nuk e di

Nëse pranvera

Do tët’ sjell me vete?!…

Jona Cenameri