Udhëtimi më i gjatë

A mund ta shpjegojmë dashurinë?

A gjendet ajo në buzëqeshjet që shohim, në të qeshurat që dëgjojmë, në shkëlqimin verbërues të syve të dikujt apo ndoshta në prekjet tona? Në të vërtetë nuk ekziston një shpjegim i mirëfilltë. Por a duhet të dimë se prej nga vjen ajo? A mund ta shohim atë në perëndimet flakëruese apo ta dëgjojmë përmes valëve? Ndoshta errësira do të na sjellë atë. Kurrë nuk mund të jemi të sigurtë.

adrian-dascal-3asLnpif3UQ-unsplashNë jetën tënd ti ke gjithë ato njerëz që i ke njohur dhe dashur që nga momenti që ke hapur sytë për herë të parë dhe ke marrë frymë. Po këta persona të japin të gjithë dashurinë që ky univers mbart. Si mund të duash dikë aq shumë? Si mund të shpjegojmë sa shumë këto njerëz i japin kuptim jetës sonë? Mjafton vetëm një shikim, pa thënë asgje, një prekje dhe të gjitha molekulat shpërthejnë e kështu mund të shohësh shkëlqimin në to.

erfan-moradi-r8cwrYe40rU-unsplashA ju ka ndodhur ndonjëherë të shikoni dikë e të thoni me vete: ‘Ku ka qenë ky person gjatë gjithë jetës sime? Si mund të kemi aq shumë gjëra të përbashkëta e të jemi aq të ngjajshëm kur në fakt s’jemi takuar më parë?‘ Ndonjëherë para nesh ndodhet një zemër e pastër e sërish nuk e shohim dot ashtu siç është në të vërtetë. Magjepsesh nga mirësia, e bukura dhe natyralja, e sërish i fajëson ato se pse nuk e ndajnë gjithë atë mirësi me të tjerët, por më pas e kupton se bota nuk iu ka dhënë asgjë të mirë në këmbim. Por prapë se prapë, pas një kohe ato fillojnë të pranojnë të metat e t’i zëvendësojnë ato me përsosmërinë, e kështu fillojnë të shkëlqejnë.

caleb-jones-Nj0mCM6nikI-unsplashKeni dashuri të mjaftueshme brenda jush për të gjithë ato shpirtra që ende nuk kanë ardhur? A mund të duash më shumë se aq? Një ditë do të takosh dikënd dhe në to do të gjesh të gjitha agimet, perëndimet e diellit dhe stuhitë që presin të çlirohen që aty. Gjitha copëzat do të afrohen për tu bërë një. Dhe po ky person do t’ju dërgoj përtej asaj që ju keni imagjinuar, përtej të pamundurës. Këto persona do ta dëgjojnë thirrjen e zemrës suaj dhe do t’i përgjigjen asaj.

Dashuria është udhëtimi më i pastër e më i gjatë i gjetjes së shpirtrave, është ajo pjesë e mangët që ne kërkojmë pa pushim, dëshira për të patur po atë, për ta jetuar atë ëndërr që ne kemi ëndërruar, për ta mbajtur krah nesh, në të mirë e në të keq. Dashuria është ajo rrezja e parë e diellit, pika e parë e shiut dhe drita e hënës që prek lëkurën tonë.bryan-garces-uhRssKGBkNw-unsplash

Dashuria gjendet në momentet që ne jetojmë, në kujtimet që ne krijojmë, në të qeshurat që ndajmë, në trupat që prekim, në fjalët që themi. Ne jemi të aftë të krijojmë dashuri. Ne jemi ato që lëvizim universin. Dhe për aq kohë që ne kujtojmë, jetojmë dhe flasim për shëtitje rreth plazhit, stërmendojmë në shi, flasim nën një qiell të ndritshëm dhe arratisemi, NE DO TË KUJTOJMË DASHURINË.

………………………………………….
Ana-Marija Pejchinovska
Përkthim: Besmira Ibraimi

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: